Таулар, кептелістер
және жаңа келешек
Зерттеу
Урбанизацияланып жатқан қазақ жастарымен Алматы қаласының қабылдануы
Социологиялық зерттеу Urban Forum Kazakhstan Қоғамдық қорының тапсырысы бойынша «PaperLab» Қоғамдық қорымен 2018 жылғы қыркүйек-қазан айларында жүргізілді
Қала қазақ тілді студент жастарын белсенді тұрғындар қатарына қаншалықты жылдам енгізеді? Мұндай топ өзін қаншалықты жайлы сезінеді, Алматының тұрғыны мәртебесіне қандай мағына қосады? Қазақ тіліндегі өзекті урбанистикалық күн тәртібі белсенді жастар аудиториясын қала мәселелерін шешуге қалай тарта алады?

Зерттеу нысаны – «урбанизацияланып жатқан қазақ жастары» болды. Алматы қаласында 6 айдан 3 жылға дейін өмір сүріп жатқан 400 студенттен жауап алынды. Зерттеу сандық (сауалнамалық пікіртерім) және сапалық (фокус-топтар) әдістердің пайдаланылуымен жүргізілді.
Толығырақ ақпарат алу үшін зерттеудің қазақ тіліндегі мәтінін оқыңыз.
Тұжырымдар
Қазақтың студент жастары Алматыны ең алдымен білім беру келешегі тұрғысынан қабылдайды, яғни бұл – олар оқып жатқан және білімге қол жеткізе алатын жер. Қаланың артықшылығы ретінде жастар ойын-сауық құру және қызықты адамдармен танысу мүмкіндігін атайды.

Оқудан кейін Алматыда қалу – қазақтың студент жастарының басымдықты өмірлік стратегиясы, әсіресе ауыл жастары үшін. Облыс орталықтарынан келген студенттер жоғары оқу орнын тәмамдағаннан кейін шетелген кетуге жиі ниет білдіреді.

Жастар қалаға бейімделуде ешқандай мәселені көріп отырған жоқ. Басым көпшілігі өздерін толығымен немесе ішінара алматылықтар ретінде анықтайды. Адам қалада неғұрлым ұзақ тұрса, соғұрлым өзін алматылық ретінде есептейді.

Қалалық ортаның оң қабылдану көрсеткіштерінің бірі – «алматылықтарға» айқын оң көзқарас болып табылады. Зерттеуге қатысушылар оларды ілгерішіл, стильді, сыпайы және ықыласты адамдар ретінде сипаттайды.
Серіктес